Home » இதழ் 16 » * மன்சூர் ஏ. காதிர் -கவிதை

 

* மன்சூர் ஏ. காதிர் -கவிதை

 

kathar

நிச்சயமாய் அது எனது அழைப்பாய்
இருக்க முடியாதே தோழீ

மூன்றரை தசாப்தங்கள் வரை
கிடப்பிலே போடப்பட்டு பிரிதலை முக்குளித்த பின்னர்
புன்னகைத்தலைக் கூட விலாசம் மாற்றியவர்களல்லவா நாம்.

புரிந்து கொள்ளலின் ஒவ்வொரு செதில்களும்
வரட்டுக் கௌரவ கருநாக பாம்பின்
விஷ நாக்கினால் தீண்டப்படுகையில்
களிப்படைந்து விழித்திருந்த கபோதிகள் அல்லவா நாம்
அப்படியாய் இருக்க
ஒரு “நியூசென்ஸ் கோள்” போல
நான் உன்னையோ அல்லது நீ என்னையோ அழைத்தல்
எவ்வாறு சாத்தியம்?
mansoor

மிகவும் திமிர் கொண்ட கழுதை
என்று என்னை நீயும்
எப்போதுமே கொட்டிவிடத்தயாராய் உள்ள ஒரு ராணித் தேனீ
என்று உன்னை நானும்
ஒற்றை நேர் கோட்டில் புரிந்து கொண்ட
அந்த ஒன்று மட்டும்தானே நமது ஒற்றுமை தோழீ!

நாம் காணும்போதெல்லாம் இரண்டாம் முறை
திரும்பிப்பார்க்க நானோ அல்லது நீயோ ஆசைப்பட்டதே இல்லையே.

நமது வரட்டுக் கௌரவத்தை
தொடர்ந்து நாம் கௌரவிப்போமே!

0000000

 

No comments

Be the first one to leave a comment.

Post a Comment