Home » இதழ் 19 » *தூரத்துச் சிநேகிதி – ஜிரி வோல்கர் , தமிழில் க.கலாமோகன்

 

*தூரத்துச் சிநேகிதி – ஜிரி வோல்கர் , தமிழில் க.கலாமோகன்

 

 

(பாரிஸ் வீதி ஓரத்தில் சில நாள்களின் முன் பல பெட்டிகள் குப்பைக்காகப் போடப்பட்டிருந்தன. அவைகளுள் நிறையப் புத்தகங்கள். பல புத்தகங்களைத் தெரிவு செய்தேன். அதில் ஒரு புத்தகம் Jiri Wolker ((29 mars 1900 Prostějov மரணம் 3 janvier 1924) இன் கவிதைகளது மொழிபெயர்ப்பு. 1939 ஆம் ஆண்டில் எழுதப்பட்டிருந்தது. கவிதைகள் சிறப்பாக இருந்தன. யார் Jiri Wolker ? இவர் செக்கோஸ்லாவாக்கியாவில் பிறந்த பத்திரிகையாளரும் நாடக ஆசிரியருமாவர். அவரது வாழ்வு 23 வருடங்கள்தாம். 1921 ஆம் ஆண்டில் அவரது நாட்டில் தொடங்கப்பட்ட கம்யூனிசக் கட்சியின் தொடக்குனர்களில் ஒருவராக இருந்தவர் என்பது குறிப்பிடத்தக்கது. “தெரிவுசெய்யப்பட்ட கவிதைகள்” எனும் தொகுப்பில் இருந்த “தூரத்துச் சிநேகிதி” எழுதப்பட்டது 1920 இல். இந்தத் தொகுப்பை Ivo Duchacek, René Monnat வும் பிரெஞ்சு மொழியில் தந்துள்ளனர்.)

 

 

thurathu snakithi2

 

 

 

நேற்று அனைத்து நட்சத்திரங்களும்
என்னைப் பார்க்க வந்திருந்தன
-நிலவு பெரிய கதிரையில் இருந்தது-
அவள்களுடன் பேசிக்கொண்டிருந்தபோது
அவள்களில் ஒருத்தியிடம்
எனது சிநேகிதியைக் கண்டீர்களா
என நான் கேட்டேன்,
அவள்கள் யாவரும் வெளியே சென்றன
எனது சிநேகிதியைத் தேடுவதற்காக…..

 

தூர நிலத்தை அவள்கள் தேடிச் சென்றன
இதனால்தான் அவள்கள் இன்று பிரகாசிக்கவில்லை
இன்று எனது அறைக்குள் மழை பெய்கின்றது
இது இரவாக இருக்கின்றது
எனது வயலின், எனது மேசை, எனது புத்தகங்கள்
எனது எல்லாவற்றையும் நிழலுக்குள் புதைக்கின்றேன்….

 

சந்தோசமானதும், புனிதமானதுமான பெண்ணை
கடவுள் எனக்குத் தரவேண்டும்
எனக்கு அவளை ஒழிக்கின்றார் , வேறு இடத்தில்
நிலவும் நட்சத்திரங்களும் கிழடுகள்
அவைகள் அவளைத் தேடும் எனவும்
கண்டுபிடிக்குமெனவும் எனக்குள் நம்பிக்கையில்லை
நான் தான் அவளைத் தேடச் செல்லவேண்டும்…

kala p

000000

 

No comments

Be the first one to leave a comment.

Post a Comment