Home » இதழ் 21 » * நபீல் கவிதைகள்

 

* நபீல் கவிதைகள்

 

 

 

 

 

 

 

ன் நிழல்தான் நீயென்று

வலிக்காமல்

சிரியாவின் தோலை உரிக்கிறது துரோகம்

 

இதழ்களை இயன்றவரை குவித்தோம்

காது மடல்களைத்

தோள்களோடு சாய்த்தோம்

ஒருவரை ஒருவர் தழுவினோம்

பெருந் தாகமும் பசியுமாக

 

நேற்று வரை ஒரே நிறம்

ஒரே குருதி என்று கிளைகலாடப் பேசினோம்

 

சகோதரமே

நேச தேசங்களே

கட்டப்பட்டிருக்கும் கைகளை எப்போது

அவிழ்க்கப் போகிறீர்கள்

 

பிரிவின் முனைகள் திரிந்து

பற்றி எரிகிறது தீ

 

நேசக் கொடிகள் பட்டங்களாய் அறுந்து

தொங்கிக் கிடக்கின்றன

 

நின்று கொண்டிருக்கிறது என் கவலை.

0000

————————————————————————————–

 

 

ன் குரல் நீர்த்திரள் மேல் அமர்ந்திருக்கிறது

கேட்கவே தொடங்காத ஒரு புதிய பாடலை

அது என் முற்றத்தில் வரைகிறது

 

என் உள்ளங் கையிலும்

உம் முகம் தெரிந்தது

அதில்

ரத்தமும் வெப்பமும் கலங்கியிருந்தது

 

கடலை

வீசும் பட்டொளி நிலவை

நட்சத்திரங்களை

மலரோடு சேர்ந்த கொடிகளின் கூராப்பை

முத்தங்களின் முழு ருசியை

அருவியின் ஊஞ்சலை

அவள் விரல்களின் இறுக்கத்தை

எழுதி நின்ற உன் குரல்

 

இரவெல்லாம் வெதும்பி

விடிய விடிய அழுதிருக்கிறது

 

கிழியக் கிழியத் தன்னைத் தைத்துக் கொண்டிருக்கும்

தன் இனத்தை எண்ணி.

 

00000

——————————————————————————

 

 

டித்தல் திருத்தல்களோடு

என் மகன் செய்த பட்டம்

யாருடைய கேள்வி கணக்குமில்லாமல்

உயரத்தில் பறக்கிறது

 

ஒரு வானத்தை அவனிடம் ஒப்படைத்தது போல்

ஆசைகள் மேல் இத்தனை தெளிவும்

வாழ்க்கை மீது குறையாத அன்பும்

முடிந்தளவு தூரத்தில் நின்று

சொரிகிறது பட்டம்

 

உயிர்ப்புடன் துள்ளுகிறது

திருடிச் செல்ல அங்கே யாருமில்லை

 

குறைந்த சிந்தனையில் சரி செய்த பட்டம்

எவ்வளவு விலை கொடுத்தும் இறங்காது.

0000

 

———————————————————————————————————————–

 

 

 

 

பௌர்ணமிக் கனிகள்

————————————

ரண்டு துண்டாக அறுத்துவிட முடியவில்லை

உன் முதல் தீண்டலை

 

குருத்திறங்கி இதழ் ஈன்ற காட்டுக்குள்தான் இருக்கிறது இந்த மலை

 

இசை மேலும் விசாலம் விரிந்து

பியோனா கட்டைகள் மேல்

ஏறி நடக்கிறது

 

எதேச்சையாய் வயதாகி நிற்கும் மரங்களுக்கு

பௌர்ணமிக் கனிகள் எட்டுவதில்லை

 

விரல்களில் நகங்கள் சாய்ந்து கிடந்தன

நாம் இன்னும் நிலத்தை முத்தமிடவில்லை.

 

00000000

  • நன்றியுடன்,  ஓவியர் புகழேந்தியின் ஒவியம் எடுத்தாளப்பட்டுள்ளது
 

No comments

Be the first one to leave a comment.

Post a Comment